Na Travesía de Arteixo nº 213 (Arteixo- A Coruña), mesmo frente do edificio do Concello, existe un lugar dende o pasado 27 de marzo de 2013 onde tomar algo convértese nun exercicio de cultura galega e onde moitos venres e sábados se pode disfrutar de boa música en directo. Escoitar, aplaudir, cantar ou bailar ó gusto de cada un.
Os seus donos son Miriam Cuiña e Bieito Romero, ó que todos recoñeceredes como fundador e líder do grupo Luar na Lubre levando o nome de Galicia por cáseque tóda-las partes do mundo coa súa música.
Recoméndovos encarecidamente a visita e asegúrovos que non quedaredes indiferentes. E ademáis, por se isto fora pouco, contareivos un segredo: as tapas están riquísimas.
As fotos pertencen ó día da inauguración e a outros días de «foliada». Quería subir algún vídeo da festa pero non é posible por cuestións técnicas. Así que non vos queda máis remedio que acercarvos a A Baiuca e vivila en directo.
Déixovos ademáis o enlace a súa páxina en facebook: https://www.facebook.com/TabernaCafeMuseuABaiuca?fref=ts
Lembrade pinchar enriba das fotos para ve-las a tamaño maior.
¡ LUME NA BAIUCA !
